Papa Fransisiko yamaze gutanga ibarwa y’ubwegure bwe

Papa Fransisiko, umushumba wa kiliziya gatolika ku isi, yahishuye ko yamaze gutanga ibaruwa ye y’ubwegure mu gihe yagira ikibazo cy’ubuzima butameze neza.

Mu kiganiro yahaye igitangazamakuru cyo muri Espagne, ABC, yavuze ko iyo baruwa yayanditse nyuma y’aho atorewe kuba umushumba wa kiliziya gatolika mu 2013. Yavuze ko yahaye urwo rwandiko umukaridinale icyo gihe wari ashinzwe ubutwererane i Vatican kandi akaba yizeye ko uriho uyu munsi azakurikiza ayo mabwiriza.

Papa Fransisiko, wizihije imyaka 86 ku wa gatandatu, aheruka kubagwa urura ruto, ndetse amaze amezi afite ibibazo mu mavi.

Mu bihe bitandukanye yagiye ashima umwanzuro wo kwegura wakozwe n’uwo yasimbuye, Papa Benedigito wa 16, weguye nyuma yo gusanga atagishoboye gukora neza inshingano ze kubera izabukuru.

Yabaye kandi umushumba wa kiliziya gatolika wa mbere weguye mu myaka 600 ishize. Ubu bwegure bwe bwahise butuma Fransisiko ahita atorwa, aba papa wa mbere uturuka muri Amerika y’amajyepfo.