Ikipe ya REG BBC izahagararira u Rwanda mu irushanwa rya Basketball Africa League (BAL2023), rigiye kuba ku nshuro ya gatatu yisanze mu Itsinda rya “Sahara Conference” iri kumwe n’amakipe arimo US Monastir ifite igikombe giheruka.
Abategura irushanwa rya Basketball Africa League kuri uyu wa Mbere nibwo bashyize ahagaragara uko amatsinda ya Sahara na Nili azaba ateye ndetse n’ingengabihe y’iyi mikino ihuza amakipe y’intyoza mu mukino wa Basketball muri Afurika.
Amakipe 6 yisanze mu itsinda rya Sahara ni AS Douanes yo Muri Senegal, Abidjan Basketball Club – ABC Fighters yo muri Côte d’Ivoire, Falcons yo muri Nigeria, Stade Malien yo muri Mali, US Monastir yo muri Tunisia na Rwanda Energy Group (REG) Basketball Club yo mu Rwanda.
Iri tsinda rizakinira imikino yaryo muri Dakar Arena muri Senegal kuva tariki ya 11 kugeza ku ya 21 Werurwe.
Naho mu itsinda rya Nili harimo Al Ahly yo mu Misiri, Petro de Luanda yo muri Angola, Seydou Legacy Athletic Club (SLAC) yo muri Guinnea, Ferroviario da Beira yo muri Mozambique, Cape Town Tigers yo muri Afurika y’Epfo na City Oilers yo muri Uganda.
Imikino yo muri iri tsinda rya Nili izabera mu nzu y’imikino yitiriwe Hassan Mostafa i Cairo mu Misiri kuva tariki ya 26 Mata kugeza ku ya 6 Gicurasi.
US Monastir yo muri Tunisia niyo yegukanye Igikombe giheruka cya Basketball Africa League (BAL 2022) itsinze Petro de Luanda yo muri Angola amanota 83-72.
Ikipe ya REG BBC yari ihagarariye u Rwanda muri BAL2022 yasezerewe na FAP yo muri Cameroon mu mikino ya ¼.
Umubare w'abantu bamaze guhitanwa n’umutingito ukomeye wibasiye ibihugu bya Turukiya na Siriya bageze ku 37000 Imibare igaragaza ko muri Turukiya abamaze kubarurwa bagera ku 31.643, naho muri Siriya bararenga 5,714. Abatabazi muri Turukiya, kuri uyu wa mbere bakuye abantu benshi mu bisigazwa by’amazu ari bazima. Mu batabawe harimo abantu barindwi bose ni abo mu muryango umwe. Ni nyuma y’icyumweru kimwe habaye umutingito ukaze mu mateka yo mu bihe bya vuba. […]
Post comments (0)