Abimukira 10 napfuye barohamye mu nyanja ya Mediterane

Abimukira b’Abanyafurika bagera ku 10 bapfuye barohamye nyuma y’uko ubwato barimo bwibiye mu mazi y’inyanja Mediterane hafi y’igihugu cya Tunizia.

Abashinzwe kugenzura imbibi zo mu mazi muri Tunizia batangaje, ko kuwa Gatatu abimukira 10 baturuka muri Afurika yo musi y’ubutayu bwa Sahara barimo bagerageza kujya I Burayi mu buryo bunyuranyije n’amategeko, bapfuye, ubwo ubwato barimo bwibiraga mu nyanja ya Mediterane.

Ibi byabereye hafi y’igihugu cya Tunizia hafi y’Umujyi wa Sfax, ufatwa nk’agace abimukira bakoresha binjira mu bwato bubambutsa inyanja ya Mediterane bajya I Burayi.

Uretse aba napfuye, bivugwa ko abandi bantu bari hagati ya 20 na 30 baburiwe irengero mugihe ubwato bwari bitwaye abimukira bagera kuri 72.

Housem Jebabli, ukuriye abashinzwe kugenzura imbibi yatangarije ibiro ntaramakuru by’Abafaransa AFP ko abapfuye baturuka mu bihugu byo muri Afurika yo musi y’ubutayu bwa Sahara.