Urwego rushinzwe iperereza muri Leta Zunze Ubumwe za Amerika (FBI) rwatangaje ko rwataye muri yombi umusore w’imyaka 21 ukekwaho gushyira hanze amabanga y’ubutasi bwa gisirikare yateranyije Amerika n’inshuti zayo.
Aya makuru yatangajwe ku wa Kane na Minisitiri w’Ubutabera Merrick Garland, avuga ko uwo musore akora mu ishami rya gisirikare rirwanira mu kirere.
FBI yavuze ko Jack Teixeira, akorera muri rimwe mw’ishami ry’iperereza ry’igisirikare kirwanira mu karere muri leta ya Massachusetts. Yafashwe ku wa kane mu rugo iwabo ahitwa Dighton mu cyaro cyo muri leta ya Massachusetts.
Iperereza riracyakomje ndetse FBI yavuze ko abakozi bayo bakiri mu bindi bikorwa muri ako gace yafatiwemo.
Amashusho yo mu kirere agaragaza asohorwa mu nzu n’abasirikare amaboko aboheye inyuma agashyirwa mu modoka ikamujyana.
Inyandiko yashyize hanze zahishuye amakuru y’ubutasi ku ntambara ya Ukraine n’uburyo Amerika itata inshuti zayo. bivugwa ko yatangaje izo nyandiko binyuze ku rubuga rw’imikino rwo kuri internet.
Imihanda yo muri ako gace k’iwabo yari yafunzwe n’igipolisi ubwo ingabo zajyaga kumuta muri yombi.
Garland yavuze ko Teixeira agiye kugezwa imbere y’ubutabera muri Leta ya Boston. Ariko ntiyatangaje itariki.
Uyu musore araregwa ibyaha bishingiye ku itegeko ry’ubutasi. Iki cyaha ashinjwa gihanishwa igifungo cy’imyaka 10.
Jack Teixeira, w’imyaka 21, bivugwa ko yatangaje inyandiko z’amabanga y’ubutasi bwa AMERIKA
Nyiramusarange Anastasie umukecuru w’imyaka 97 utuye mu murenge wa Burega mu karere ka Rulindo, yagize ibyishimo ubwo yasurwaga n’ubuyobozi bw’Umurenge wa Burega, Abakozi n’abanyeshuri ba IPRC Tumba kuri uyu wa kabiri, mu rwego rwo kumufata mu mugongo nk’umuntu warokotse Jenoside yakorewe Abatutsi mu 1994. Ni muri gahunda y’ishuri rya IPRC Tumba, yo gufata mu mugongo abarokotse Jenoside, babaha n’umuriro w’amashanyarazi akomoka ku mirasire y’izuba, abasaga 100 bakaba bamaze gucanirwa. N’ubwo […]
Post comments (0)