Abasirikare 17 ba Niger baguye mu gitero cy’abajihadiste

Igisirikare cya Niger cyatangaje ko abasirikare bacyo 17 baguye mu gitero cyagabwe n’abakekwa kuba abarwanyi b’intagondwa z’aba jihadiste.

Igisirikare cya Niger cyavuze ko icyo gitero cy’ejo ku wa kabiri cyakomerekeyemwo abasirikare 20, muri bo harimo batandatu bakomeretse cyane. Ni igitero cyabereye mu gace kitwa Koutougou, gaherereye mu karere ka Tillaberi, kari ku mupaka Niger ihana na Mali ndetse na Burkina Faso.

Mu itangazo ry’igisirikare cya Niger, cyemeje ko nacyo cyahitanye intagindwa zirenga 100 mu bagabye icyo gitero. Abagikoze bari ku mapikipiki nk’uko igisirikare cya Niger, cyakomeje cyibisobanura.

Icyo gitero kibaye mu gihe Niger ihanganye n’ibibazo birimo ibya kudeta iheruka kuba muri icyo gihugu.

Abayobozi b’ingabo bo mu bihugu byo mu muryango w’ubukungu uhuza Ibihugu byo mu burengerazuba bwa Afurika, CEDEAO, bazahurira muri Ghana kuri uyu wa kane no ku wa gatanu w’icyi Cyumweru mu nama yo kurebera hamwe niba bikiri ngombwa ko bohereza ingabo muri Niger, muri gahunda yo gusubiza ubutegetsi Perezida Mohamed Bazoum.