Abasirikare babiri ba Uganda birukanywe kubera ubugwari 

Urukiko rwa gisirikare muri Uganda rwafashe icyemezo cyo kwirukana abasirikare babiri bashinjwa ubugwari ku rugamba ubwo intagondwa za Islam zateraga inkambi y’ingabo za Afurika muri Somalia muri gicurasi uyu mwaka.

Major Zadock Abor na John Oluka bashinjwa kuba barahuzne ubwo abarwanyi ba al-Shabab muri Bulo Marer, mu majyepfo y’umurwa wa Somalia Mogadishu, babagabagaho igitero. Icyo gihe abasirikare ba Uganda batari munsi ya 50 barishwe, nk’uko abayobozi babitangaje.

Uganda iri mu bihugu byohereje ingabo muri muri Somalia gufasha leta y’icyo gihugu kurwanya al-Shahab, umutwe ufatanya na al-Qaeda.

Icyo gitero kuri Bulo Marer ni kimwe mu byahitanye abasirikare benshi muri izo ngabo za Afurika, Atmis, kuva zatangira kugaba ibitero bishya kuri al-Shabab mu mwaka ushize.

Perezida wa Uganda, Yoweri Kaguta Museveni, yanenze bikomeye uburyo abasirikare be bitwaye muri icyo gitero.

Urukiko rwa gisirikare rwa Uganda rwanamenyeshaje abo basirikare bombi bari banabonye amakuru hakiri kare ko baza kugabwaho igitero ariko ntihagira icyo bakora ngo bakiburizemo, nk’uko inkuru ya BBC ibitangaza.