Umurwa mukuru wa Ukraine wibasiwe n’ibitero by’u Burusiya

Umurwa mukuru wa Ukraine urageramiwe n’ibitero bikomeye birimo kugabwa n’u Burusiya mu gihe Perezida Volodymir Zelenskyy arimo guhindura abayobozi mu gisirikare cye.

Mu ijambo yavuze ku cyumweru yatangaje ko umuyobozi mushya mu ngabo ushinzwe urwego rw’ubuvuzi, ndetse avuga ko inshingano ze zijyanye no kwita ku buvuzi bw’abasirikare ba Ukraine.

Muri iryo jambo Perezida Zelenskyy yanashimiye imbaraga no kwihangana abaturage ba Ukraine bakomeje kugaragaza.

Minisitiri w’ingabo za Amerika yagiriye uruzinduko muri iki gihugu rutari rwaratangajwe, kuri uyu wa mbere. Yakiriwe n’abasirikare ba Amerika.

Abayobozi batangaje Lloyd Austin ari muri urwo rugendo mu rwego rwo kwibutsa abayobozi b’icyo gihugu ko Leta zunze ubumwe z’Amerika zikibashyigikiye mu rugamba barimo rwo kurwanya u Burusiya.

Urwo rugendo rwa Lloyd rubaye nyuma y’ibitero bikomeye u Burusiya bwagabye bukoresheje utudege duto 20 twakorewe muri Irani tutagira abapilote.