U Rwanda n’u Bushinwa mu gushimangira ubufatanye mu bya gisirikare

Itsinda ry’abasirikare b’abofisiye bakuru n’abato baturutse mu ngabo z’u Bushinwa bayobowe na Senior Col You Jian basuye Ingabo z’u Rwanda mu kurushaho gushimangira ubufatanye hagati y’ibisirikare byombi.

Ni uruzinduko aba bayobozi mu ngabo z’u Bushinwa, bakoze ku wa Kane tariki 30 Ugushyingo 2023 nk’uko Minisiteri y’Ingabo z’u Rwanda yabitangaje.

Aba ba ofisiye, bari baherekejwe na Madamu LIN Hang, wungirije Ambasaderi w’u Bushinwa mu Rwanda, bakiriwe n’Umugaba w’Ingabo z’u Rwanda zirwanira mu kirere, Lt Gen Jean Jacques Mupenzi.

Ku cyicaro gikuru cya RDF ku Kimihurura, basobanuriwe urugendo rw’impinduka rw’ingabo z’u Rwanda kuva kuri RPA kugeza kuri RDF, ndetse Ingabo zigiramo uruhare mu guteza imbere imibereho myiza y’abaturarwanda.

Batangaje ko intego nyamukuru y’uru ruzinduko rwabo ari ugushimangira ubufatanye busanzweho hagati ya RDF n’ingabo z’u Bushinwa “Liberation People’s Army” mu nzego zitandukanye za gisirikare n’umutekano.

**Bagaragarijwe ibikorwa biteza imbere abaturage Ingabo z’u Rwanda zigiramo uruhare**

Kuva ku wa 12 Ugushyingo 1971 na nyuma ya Jenoside yakorewe Abatutsi, u Rwanda rukorana n’u Bushinwa mu kubaka umubano ushingiye kuri politiki, umutekano n’imibereho myiza y’abaturage.

Ibihugu byombi biherutse kwizihiza isabukuru y’imyaka 52 bimaze bitangije umubano, hishimirwa ibimaze kugerwaho mu mishinga bifitanye mu nzego zitandukanye igamije guteza imbere abaturage babyo.

**Basobanuriwe byinshi birimo urugendo rw’impinduka rw’ingabo z’u Rwanda**

U Rwanda n’u Bushinwa bifatanya mu mishinga itandukanye irimo nk’ishoramari, ibikorwaremezo, ikoranabuhanga, ubucukuzi bw’amabuye y’agaciro, ubwikorezi bwo mu kirere, uburezi, kubaka ubushobozi, ubuzima, ubucuruzi, ubukerarugendo, ubuhinzi, umutekano n’indi myinshi.

Written by: KT Radio Team

Rate it

Bane bafashwe bavunja amafaranga mu buryo bunyuranyije n’amategeko

Polisi y’u Rwanda irasaba abantu kwirinda ibikorwa byo gucuruza cyangwa kuvunja amafaranga y’igihugu cyangwa ay’amahanga mu buryo bunyuranyije n’amategeko kuko bigira ingaruka ku bukungu bw’igihugu kandi bihanwa n’amategeko. Abifuza gukora aka kazi barasabwa gukurikiza amategeko no gukorera ahantu hemewe. Ni umuburo uje ukurikira umukwabu wakozwe na Polisi y’u Rwanda mu Mujyi wa Gisenyi mu Karere ka Rubavu, ahafatiwe abantu bane, bari muri ibi bikorwa mu buryo butemewe, kuri uyu wa […]

December 1, 2023