Israheli ntizahagarika intambara itaranduye umutwe wa Hamas

Ministri w’Intebe wa Israheli, Benjamin Netanyahu, yatangaje ko avuze ko intambara hagati ya Israheli na Hamas iriho kandi itazahagarara kugeza igihe iyitsindiye n’ubwo hakomeje igitutu ku mpande zose.

Netanyahu yavuze kandi ko yashenguwe n’urupfu rw’Abanya-Israheli batatu bari barafashwe bunyago na Hamas, bishwe ku bw’impanuka n’ingabo za Israheli.

Yavuze ko akarere ka Gaza kazakurwamo ingabo zose kagacungirwa umutekano n’ingabo za Israheli. Netanyahu yavuze ko iterwa rya Gaza ari ryo ryatumye habaho kumvikana n’umutwe wa Hamas kurekura bamwe mu bari bafashwe bunyago mu kwezi gushize

Ni mugihe Ministri w’intebe w’Ubwongereza David Cameron na mugenzi we w’Ubudage, Annalena Baerbock, basabye ko habaho guhagarika intambara by’igihe kirambye mu karere ka Gaza.

Ni ibikubiye mu itangazo bombi bashyizeho umukono bavuga ko biyemeje gukora uko bashoboye kugirango iyo ntego igerweho.

Umwe mu bayobozi bakuru ba Hamas, Osama Hamdan, yavuze ko batazongera kurekura abafashwe bunyago kugeza igihe Israheli izahagarikira intambara kandi ikemera kurekura Abanyepalistina ifite.

Netanyahu yavuze ko Israheli itazemera ibyo Hamas isaba. Gusa imiryango y’abafashwe bunyago na Hamas ikomeje gutakambira leta ya Israheli ngo yemere ibyo Hamas isaba ariko barekurwe.