Nigeria: Uruganda rwa mbere mu bunini muri Afurika rutunganya peteroli rwatangiye

Uruganda runini rwa mbere muri Afurika rutunganya bikomoka kuri Peteroli rwatangiye ibikorwa byarwo muri Nigeria.

Abahanga bavuga ko urwo ruganda rugiye kurushaho guteza imbere akarere Nigeria iherereyemo kuberako ibihugu wasangaga bikoresha ibikomoka kuri Peteroli bivuye hanze.

Urwo ruganda rufite agaciro kangana na miriyari 19 z’amadolari y’amerika. Rufite ubushobozi bwo gutunganya ibikomoka kuri Peteroli byo mu bwoko bwa mazutu hamwe n’ibikoreshwa mu ndenge, bingana n’utugunguru ibihumbi 650 ku munsi.

Ibyo byatanganjwe n’urwo ruganda rwitwa Dangote Pretoleum Refinery ku wa gatandatu. Rubaye uruganda rwa mbere rutunganya ibikomoka kuri Peteroli rwigenga muri Nigeria, igihugu cya mbere muri Afurika gifite ubushobozi bwo gutunganya ibikomoka kuri Peteroli byinshi ariko rugurira mu mahanga mazutu n’ibindi bintu bikoreshwa na yo.

Uru ruganda ni urw’umushoramari ukomoka muri Nigeria Aliko Dangote w’imyaka 66 y’amavuko.