Ku isi abamaze kwandura Monkeypox bararenga 18,000

Ishami ry’Umuryango w’Abibumbye ryita ku buzima, OMS ryatangaje ko kuri uyu wa gatatu abantu barenga 18,000 bamaze kwandura icyorezo cya Monkeypox mu bihugu 78 ku isi. Benshi muri bo bakaba abo ku mugabane w’u Burayi.

OMS iherutse gutangaza ko icyorezo cya Monkeypox ari ikibazo gihangayikishije amahanga kandi gikwiriye guhagurukirwa byihutirwa. Kugeza ubu 90% by’abantu bapimwe icyo cyorezo bari hanze y’umugabane wa Afrika.

Umuyobozi mukuru wa OMS, Tedros Adhanom Ghebreyesus, yavuze ko icyo cyorezo gishobora guhagarikwa. Yasobanuye ko uburyo bwiza bwo kubikora ari ugufata imyanzuro ituma abantu batandura iyo ndwara cyangwa ngo bayanduze abandi.

OMS kandi irimo irasaba ko abantu bafite ibyago byo kwandura icyorezo cya Monkeypox kurusha abandi bakingirwa. Muri bo harimo abari mu nzego z’ubuzima hamwe n’abagabo baryamana n’abo bahuje ibitsina.

OMS itangaza ko kugeza ubu, hafi 10% by’abanduye Monkeypox bagiye mu bitaro, 5 muri bo bamaze kwitaba Imana. Bose kandi ni abo ku mugabane wa Afurika.

Written by: KT Radio Team

Rate it

Kwikingiza Covid-19 byuzuye ni ugufata urukingo rushimangira – Umujyi wa Kigali

Ubuyobozi bw’Umujyi wa Kigali busaba abaturage kwitabira gufata urukingo rwa Covid-19 rushimangira, kuko ngo ari ko kwikingiza icyo cyorezo mu buryo bwuzuye. Umujyi wa Kigali ku bufatanyije n’Ikigo gishinzwe Ubuzima mu Rwanda (RBC), bongeye gufungura site zari zisanzwe ziberaho igikorwa cyo gukingira Covid-19 mu bice bihuriramo abantu benshi hirya no hino mu turere tuwugize. Mu Karere ka Kicukiro barimo gukingirira muri Gare ya Nyanza na Nyanza Centre (itsinda ryimuka), Gahoromani/Ayabaraya […]

July 27, 2022 64