Bwa mbere mu myaka 17 Messi ntago ari mu bahatanira Ballon d’Or

Umunya-Argentine Lionel Messi ntago ari mu bakinnyi bahataniye Ballon d’Or 2022, igihembo yatsindiye inshuro zirindwi kuva 2006. Ni bwo bwa mbere mu myaka 17 itambutse.

**Lionel Messi ntago ari mu bahatanira Ballon d’Or bwa mbere mu mateka mu myaka 17**

Lionel Messi ntawuri kurutonde rw’abakandida 30 batangajwe n’ikinyamakuru L’Equipe cyo mu Bufaransa mu ijoro ryo ku wa gatanu, bikuraho amahirwe yo kwegukana iki gihembo ku nshuro ye ya munani muri gala itegerejwe ku ya 17 Ukwakira.

Lionel Messi, si we wenyine utagaragaye kuri uru rutonde kuko na Neymar basanzwe bakinana muri Paris St Germain ntago yarushyizweho.

Messi mu mikino 34 yakiniye PSG umwaka ushize, yatsinze ibitego 11 gusa. Ni ibintu byaherukaga kuba mu mwaka we wa mbere atangira gukina mu Ikipe Nkuru ya Barcelone.

Cristiano Ronaldo ufite Ballon d’or, nshuro eshanu ari kurutonde nyuma yo gutsinda ibitego 18 mumikino 31 yakiniye Manchester United muri saison ishize.

Umukinnyi uhabwa amahirwe cyane kuri iyi Ballon d’Or 2022, Karim Benzema n’ibitego 44 byatumye ikipe ya Real Madrid ya Carlo Ancelotti yegukana La Liga ndetse na Champions League nawe ari kuri uru rutonde.

Nyuma yo kwegukana igikombe kiruta ibindi ku mugabane w’i Burayi (UEFA Super Cup) Real Madrid itsinze Eintracht Frankfurt mu ijoro ryo ku wa gatatu, Benzema yavuze ko nyuma y’igenda rya Cristiano Ronaldo byatumye arushaho kuzamura urwego rw’imikinire ye.

Urutonde rw’abakinnyi 30

Thibaut Courtois (Real Madrid), Mohamed Salah (Liverpool), Rafael Leao (AC Milan), Christopher Nkunku (RB Leipzig), Joshua Kimmich (Bayern Munich), Trent Alexander-Arnold (Liverpool), Vinicius Jr (Real Madrid), Bernardo Silva (Manchester City), Luis Diaz (Liverpool), Robert Lewandowski (Barcelona), Riyad Mahrez (Manchester City), Casemiro (Real Madrid), Heung-Min Son (Tottenham), Fabinho (Liverpool), Karim Benzema (Real Madrid).

Urutonde ruriho kandi Mike Maignan (AC Milan), Harry Kane (Tottenham), Darwin Nunez (Liverpool), Phil Foden (Manchester City), Sadio Mane (Bayern Munich), Sebastien Haller (Borussia Dortmund), Luka Modric (Real Madrid), Antonio Rudiger (Real Madrid), Cristiano Ronaldo (Manchester United), Kevin de Bruyne (Manchester City), Dusan Vlahovic (Juventus), Virgil van Dijk (Liverpool), Joao Cancelo (Manchester City), Erling Haaland (Manchester City) na Kylian Mbappe (Paris Saint-Germain).

Written by: KT Radio Team

Rate it

Gahunda za Leta zo guteza imbere urubyiruko zarufashije kwivana mu bukene

Tariki ya 12/8/2022 ku Isi hose hizihizwa umunsi mpuzamahanga wahariwe urubyiruko. No mu Rwanda uyu munsi urizihizwa mu rwego rwo guha agaciro urubyiruko nk’amaboko y’u Rwanda rw’ejo. Urubyiruko rwamuritse bimwe mu bikorwa by’iterambere rwagezeho Bamwe mu rubyiruko baganiriye na Kigali Today bavuga ko umunsi nk’uyu ukwiye gutuma urubyiruko rwicara rukitekerezaho maze rugakura amaboko mu mufuka rugakora kuko Leta yarushyiriyeho gahunda ziruteza imbere zirimo gukorana n’ibigo by’imari bagahanga imirimo iciriritse ibyara […]

August 13, 2022 86