NEW YORK: DIGP Namuhoranye yitabiriye inama ya Loni ihuje abayobozi ba Polisi

Umuyobozi mukuru wa Polisi wungirije ushinzwe ibikorwa DCG Felix Namuhoranye ari i New York aho yitabiriye inama ya 3 y’umuryango w’Abibumbye ihuriza hamwe abayobozi ba Polisi (UNCOPS).

Inama y’abayobozi ba Polisi mu muryango w’abibumbye (UNCOPS 2022) yahurije hamwe Abaminisitiri, Abayobozi ba Polisi n’abahagarariye imiryango ishinzwe iyubahirizwa ry’uburenganzira bwa muntu ku cyicaro cy’umuryango w’abibumbye guhera tariki ya 31 Kanama kugeza ku ya 1 Nzeri.

Intego nyamukuru y’iyi nama ni ugushyiraho ingamba z’uburyo bwo gushimangira amahoro mpuzamahanga, umutekano n’iterambere kuri bose; binyuze mu guhuza imbaraga zo gucunga umutekano imbere mu bihugu ndetse n’umutekano w’ibihugu bigize umuryango w’abibumbye.

Ku wa gatatu, tariki ya 31 Kanama, DCG Namuhoranye yitabiriye itsinda ry’ibiganiro ku “Kongera ingufu za Polisi binyuze mu mahugurwa: Gahunda y’ imikorerere ihuriweho yiswe “one UN” bishingiye ku nama y’abayobozi ba Polisi mu muryango w’abibumbye.

Ni ibiganiro byateguwe n’u Rwanda, Ubudage, Finlande, Kiribati na Fiji ku bufatanye n’ishami rya Polisi y’umuryango w’abibumbye ndetse na serivisi ishinzwe amahugurwa.

Nyuma DCG Namuhoranye yifatanyije n’abandi banyacyubahiro mu ifunguro rya saa sita ryayobowe n’umuyobozi w’intumwa z’Amerika muri UNCOPs, ryabayeho mu rwego rwo kongerera ubushobozi abapolisi mu kubungabunga amahoro.

Written by: KT Radio Team

Rate it

RIB yafunze ukekwaho kubeshya Umukuru w’Igihugu

Urwego rw’Ubugenzacyaha (RIB) rwafunze Muhizi Anatole, ukekwaho kubeshya Perezida wa Repubulika ubwo yari mu ruzinduko mu Karere ka Nyamasheke mu Ntara y’Iburengerazuba, akaba yamubwiye ko yariganyijwe inzu ye. Muhizi Anatole Muhizi akurikiranweho icyaha cyo gutesha agaciro icyemezo cy’inzego z’ubutabera no gukekwaho gukoresha inyandiko mpimbano, ibyaha biteganywa kandi bihanwa n’ingingo za 262 na 276 z’itegeko riteganya ibyaha n’ibihano muri rusange. Uyu Muhizi Anatole, yabeshye ko yimwe ibyangombwa by’ubutaka birimo inzu iherereye […]

August 31, 2022 1716