Perezida Touadéra yakiriye ku meza Ingabo z’u Rwanda ziri muri Santrafurika

Perezida wa Repubulika ya Santrafurika, Prof. Faustin Archange Touadéra na Madamu we, batumiye ndetse bakira ku meza abagize inzego z’umutekano z’u Rwanda, zoherejwe muri icyo gihugu kugarura amahoro.

Ni igikorwa cyabaye ku mugoroba wo ku wa Gatandatu tariki 1 Ukwakira 2022, mu rugo rwa Perezida Touadéra ruherereye mu Karere ka Damara.

Perezida Touadéra, yakiriye abagize inzego z’umutekano z’u Rwanda barimo abasirikare bakuru, aba Ofisiye ndetse n’abandi bafite amapeti mato bagera kuri 200.

Muri uyu musangiro, Ingabo z’u Rwanda zagize umwanya wo kwiyerekana mu mikino njyarugamba, ndetse no mu mbyino gakondo, mu rwego rwo kwidagadura.

Mu ijambo rye, Perezida Touadéra yashimiye u Rwanda na Perezida Paul Kagame ku nkunga n’ubufatanye na Repubulika ya Santrafurika, mu kubungabunga amahoro n’umutekano muri icyo gihugu.

Umuyobozi w’Ingabo z’u Rwanda muri Repubulika ya Santrafurika, Col Egide Ndayizeye, yashimiye Perezida Touadéra ku bw’urugwiro yabakiranye, ndetse anashima ubufatanye bwiza bafitanye n’Ingabo z’icyo gihugu mu kubungabunga umutekano wa wacyo.

Written by: KT Radio Team

Rate it

Brig Gen Freddy Sakama yasoje uruzinduko yagiriraga mu Rwanda

Umugaba Mukuru wungirije ushinzwe ibikorwa mu Ngabo za Repubulika ya Santrafurika (FACA), Brig Gen Freddy Sakama n’itsinda yari ayoboye, kuri iki Cyumweru tariki 2 Ukwakira 2022, yasoje uruzinduko rw’akazi yagiriraga mu Rwanda. Minisiteri y’Ingabo z’u Rwanda, ivuga ko uru ruzinduko rwari rugamije gushimangira ubufatanye busanzweho hagati y’Ingabo z’ibihugu byombi. Brig Gen Freddy Sakama n’intumwa yari ayoboye, basuye icyicaro gikuru cy’Ingabo z’u Rwanda (RDF), n’ibigo bitandukanye by’igisirikare cy’u Rwanda, ndetse bagirana […]

October 2, 2022 100