Amakuru aturuka mu Bunyamabanga bukuru bwa Arikidiyosezi ya Kigali, aremeza ko Antoine Cardinal Kambanda, ariwe ugiye kuyobora umuhango w’ishyirwa mu rwego rw’Abahire Umubikira witwa Maria Carola, wo muri Arikidiyosezi ya Nyeri mu gihugu cya Kenya.
Antoine Cardinal Kambanda yatumwe na Papa muri Kenya
Nyiributungane Papa Fransisiko yatumye Antoine Cardinal Kambanda, Arkiyepiskopi wa Kigali kumuhagararira no kuyobora uwo muhango wishyirwa mu rwego rw’abahire uwo mubikira, witangiye abakene mu gihugu cya Kenya, ibikorwa yakoze mu myaka irenga ijana ishize.
Nk’uko ubunyamabanga bwa Arkidiyosezi ya Kigali bubivuga, ngo Padiri Peter Githinji, ushinzwe ibijyanye n’ishyirwa mu rwego rw’abahire n’urwego rw’abatagatifu muri Arikidiyosezi ya Nyeri muri Kenya, yatangaje ko Papa Fransisiko yahaye Nyiricyubahiro Antoine Cardinal Kambanda, ubutumwa bwo kujya kuyobora ibi ibirori bizaba ku wa Gatandatu itariki 05 Ugushyingo 2022 muri Kinoru.
Umubikira Maria Carola agiye kugirwa Umuhire
Ni ibyo Padiri Peter Githinji yatangaje ku wa Kane tariki 27 Ukwakira 2022, aho yavuze ko ibi birori bizaba bibaye mu gihugu cya Kenya ku nshuro ya kabiri.
Gushyirwa mu bahire k’Umubikira Maria Corola, bikurikiye Umubikira witwa Irene Stefani Nyaatha, washyizwe mu bahire tariki ya 23 Gicurasi 2015.
Umubikira Carola, yavukiye mu Butaliyani mu 1877, akorera ubutumwa mu gihugu cya Kenya kuva mu 1905 kugeza mu 1925, yitaba Imana arohamye mu Nyanja itukura.
Padiri Peter Githinji, ushinzwe ibijyanye n’ishyirwa mu rwego rw’Abahire n’Arw’abatagatifu muri Arikidiyosezi ya Nyeri
Minisiteri ishinzwe Ubutaka, Ibikorwaremezo n’Ubwikorezi muri Koreya y’Epfo na Minisiteri y’ibikorwaremezo y’u Rwanda byiyemeje ubufatanye mu guteza imbere ingendo rusange, mu rwego rwo korohereza abaturage. Urubuga rwa Twitter ya Minisiteri y’Ibikorwaremezo, ruvuga ko ibi byemeranyijweho kuwa 28 Ukwakira 2022, mu biganiro Minisitiri w’Ibikorwaremezo, Dr Nsabimana Ernest yagiranye na mugenzi we wa Koreya y’Epfo, Eo Myeong-so. Ni kuruhande rw'inama y'Inteko Rusange y’Ikigo Mpuzamahanga cyita ku Bidukikije Global Green Growth Institute (GGGI). […]
Post comments (0)