Somalia: Igisirikare cyahitanye abarwanyi 69 ba Al Shabab

Abayobozi ba gisirikare muri Somaliya batangaje ko mu bitero bibiri byagabwe ku mutwe wa Al Shabab byahitanye abagera kuri 69.

Inzego za gisirikare zitangaza ko ibyo bitero byagabwe ku barwanyi ba Al Shabab byabereye mu Ntara ya Middle Shabelle mw’ijoro ryo kuwa gatatu ku bufatanye n’imitwe y’abaturage isanzwe irwana ku ruhande rwa leta bigahitana abarwanyi 49.

Brigadier General Abdullahi Ali Anod, uvugira Minisitiri y’ingabo muri Somaliya, yavuze ko leta yafashe kandi n’intwaro z’uwo mutwe w’iterabwoba.

Yavuze ko babaguye gitumo ubwo barimo bisuganyiriza mu mirima yo muri iyo ntara, ku birometero 60 mu Majyaruguru ya Mogadishu.

Mu kindi gitero, cyahitanye abarwanyi ba Al Shabab 20 abandi barakomereka ubwo Ingabo za leta zagaba igitero kuwa kane ku kigo cyabo giherereye ahitwa Goof-Gadud, ku birometero 30 mu Majyaruguru ya Baidoa.

Ibi ni mu gihe ku wa kabiri, Al Shabab nayo yagabye igitero ku kigo cya gisirikare, gihitana abasirikare barindwi ba leta, barimo n’umusirikare mukuru.

Abayobozi bavuga ko abasirikare bakuru ba Al-Shabab bari mu bishwe, ndetse n’abasirikare batanu ba leta.

Written by: KT Radio Team

Rate it

Ubwongereza: Minisitiri w’Intebe yahaniwe kutambara umukandara mu modoka

Polisi yo mu Bwongereza yatangaje ko yahannye Minisitiri w'Intebe w'iki gihugu, Rishi Sunak, imuziza kutambara umukandara ubwo yari mu modoka. Minisitiri w'Intebe w'u Bwongereza, Rishi Sunak yahaniwe kutambara umukandara mu modoka Rishi Sunak, ni we ubwe yifashe amashusho yicaye mu ntebe z'inyuma mu modoka nta mukandara yambaye, maze ayashyira ku rubuga rwe rwa Instagram. Aya mashusho nyuma yaje kuyasiba ariko abatari bake bari bayabonye baramwibasiye bamubwira ko yakosheje mu kutambara […]

January 21, 2023 72