Burkina Faso: Igisirikare cyabohoje abagore 62 n’abana 4 bari barashimuswe

Igisirikare cya Burkina Faso cyemeje ko cyabohoje abagore 62 n’impinja 4 bari bamaze icyumweru kirenga barashimuswe n’abakekwa kuba ari intagondwa ziyitirira idini ya Isilamu.

Televiziyo y’igihugu ya Burkina Faso yerekanye amashusho y’abo bari barashimuswe. Aba bagore bose bashimutiwe mu gace kitwa Arbinda gaherereye mu Majyaruguru ya Burkina Faso.

Igisirikare cya Burkina Faso, cyatangaje ko aba bari barashimuswe bazahabwa umwanya bagatanga ubuhamya bw’uburyo bashimuswe ndetse n’ababashimuse.

Kuva mu 2015, Burkina Faso ihanganye n’intagondwa ziyitirira idini ya Isilamu. Ibitero vy’izo ntagondwa bimaze guhitana ibihumbi n’ibihumbi, n’aho abagera kuri miliyoni 2 bavanywe mu byabo.

Written by: KT Radio Team

Rate it

Abadepite barasaba ko hakoreshwa n’imiti yisigwa mu kurwanya malariya

Komisiyo y’Inteko Ishinga Amategeko ishinzwe Imibereho myiza y’Abaturage, yavuze ko abantu bakora mu masaha ya nijoro bakwiye gushishikarizwa gukoresha imiti yo kwisiga yica imibu, nk’uburyo bw’inyongera bwo kwirinda indwara ya malariya, cyane ku bantu bakorera hanze mu masaha y’ijoro. Iyi komisiyo yatanze iki cyifuzo ku itariki 19 Mutarama 2023, ubwo abagize Inteko Ishinga Amategeko Umutwe w’Abadepite baganiraga kuri raporo iheruka y’Umugenzuzi Mukuru w’imari ya Leta, kuri gahunda yo kurwanya malariya […]

January 22, 2023 53