Intumwa ziturutse muri EAC ziteraniye mu nama yo kunononsora imyitozo ya Ushirikiano Imara 2024

Intumwa ziturutse mu muryango wa Afurika y’Iburasirazuba EAC, zigizwe n’inzego z’umutekano ziri mu Rwanda aho zatangiye inama y’iminsi itatu ku kunononsora imyitozo izwi nka East African Community Armed Forces Field Training Exercise (FTX), Ushirikiano Imara 2024.

Iyi nama iri kubera i Nyamata mu Karere ka Bugesera, kuva ku wa Mbere tariki 17 Nyakanga 2023.

Imyitozo ihuza inzego z’umutekano ziturutse mu bihugu bigize EAC, zirimo abasirikare, abapolisi ndetse n’abasivile.

Mu ijambo rye, Brig Gen Denis Rutaha, uyoboye intumwa z’u Rwanda, yakiriye ndetse aha ikaze abitabiriye iyi nama baturutse mu bihugu by’abafatanyabikorwa ba EAC.

Brig Gen Rutaha yabwiye abitabiriye iyi nama ko imyitozo ya Ushirikiano Imara 2024 izaba ari akurusho ugereranyije ku yindi yabanje.

Yagize ati “Ushikaano Imara 2024 izaba itandukanye haba ku bikoresho n’imitegurire ndetse buri wese arasabwa kuzana ubumenyi, ubuhanga n’ubunararibonye mu gutegura no gushyira mu bikorwa iyi myitozo y’ingenzi.”

Iyi mana iteganijwe kuva ku ya 17 kugeza ku ya 19 Nyakanga 2023.

Written by: KT Radio Team

Rate it

Polisi y’u Rwanda na Singapore ziyemeje kunoza ubufatanye mu kurwanya ibyaha bihungabanya umutekano

Umuyobozi Mukuru wa Polisi ya Singapore, Commissioner of Police (CP) Hoong Wee Teck n’intumwa ayoboye bari ruzinduko mu Rwanda, aho yakiriwe na mugenzi we w'u Rwanda, IGP Felix Namuhoranye ndetse bagirana ibiganiro bigamije guteza imbere Polisi z'ibihugu byombi. Ni ibiganiro byabaye mu gitondo cyo ku wa Mbere tariki 17 Nyakanga, ku cyicaro gikuru cya Polisi y’u Rwanda ku Kacyiru. Aba bayobozi bombi bagiranye ibiganiro ku guteza imbere ubufatanye hagati y’inzego […]

July 18, 2023