Inteko ishinga amategeko y’Ubwongereza umutwe w’Abadepite (House of Commons) yemeje umushinga wa Ministri w’Intebe, Rishi Sunak, wo kohereza mu Rwanda abimukira basaba ubuhungiro. Uwo mushinga wamejwe ku majwi 320 kuri 276.
Mu badepite bagera 60 bo mwishyaka Minisitiri w’Intebe Rshi Sunak akomokamo ry’Abakonservateri bawurwanyaga, 11 gusa nibo batoye “Oya”.
Mu minsi ishize, uyu mushinga wateje impaka mu ishyaka ry’Abakonservateri Ministri w’Intebe, Rishi Sunak, akomokamo, habamo no kwegura kwa bamwe mu byegera bye. Uyu mushinag ukaba usigaje kwemezwa n’undi mutwe wa House of Lords w’Inteko ishinga amategeko y’Ubwongereza mbere y’uko ushyirwa mu bikorwa.
Bamwe mu bawurwanya bakomeje kuvuga ko batazahwema gukora uko bashoboye kugirango utemezwa hatabayeho kuvugururwa ku buryo buhuye n’amategeko mpuzamahanga agendanye n’iyubahirizwa ry’uburenganzira bwa muntu.
Mu Ugushyingo umwaka ushize, Urukiko rw’Ikirenga rw’ Ubwongereza rwari rwategetse ko abimukira basaba ubuhungiro muri icyo gihugu batakoherezwa mu Rwanda kuko bidakurikije amategeko. Icyo gihe hari hasigaye inzira y’uko byabanza kwemezwa n’imitwe yombi y’inteko ishinga amategeko y’Ubwongereza ari na byo Ministri w’intebe Sunak yahisemo. (VOA News)
Minisitiri w’Umutekano, Alfred Gasana n’intumwa ayoboye aho ari mu ruzinduko muri Qatar, yagiranye ibiganiro na mugenzi we Sheikh Khalifa bin Hamad bin Khalifa Al-Thani, byagarutse mu kurushaho gufatanya mu rwego rw’umutekano mu bihugu byombi. Habayeho gusinya amasezerano y’ubufatanye Minisitiri Gasana muri uru ruzinduko rw’iminsi itatu, ayoboye intumwa zirimo Umuyobozi Mukuru wa Polisi y’u Rwanda, CG Felix Namuhoranye. Ku wa Gatatu tariki 17 Mutarama 2024, aba ba Minisitiri b’umutekano bombi bahagarariye […]
Post comments (0)