Huye: Hatangijwe ikigo gihuza abashaka akazi n’abagatanga

Ku bufatanye n’urwego rushinzwe iterambere (RDB), Akarere ka Huye katangije ku mugaragaro ikigo gifasha abashaka n’abatanga akazi.

Iki kigo cyashyizwe mu nzu yagenewe gufasha abahinzi (Huye Farmers) iri hafi ya Gare ya Huye, kizajya gifasha abakoresha bashaka gutanga akazi kubona abakozi bifuzwa, ariko n’abagashaka bafashwe kumenya aho bagashakira.

François Ngoboka ushinzwe ibikorwa biteza imbere umurimo muri RDB, avuga ko uretse kwifashishwa n’abashaka akazi cyangwa abashaka abakozi, iki kigo kizafasha n’abifuza guhanga imirimo.

Iki kigo kikaba ari umuti ku bavugaga ko bitaborohera kubona internet kuko muri iki kigo hari mudasobwa ndetse na internet abifuza serivisi yo kubona umurimo bazajya bifashisha nta kiguzi.

Hashyizweho n’imodoka zirimo mudasobwa n’ikoranabuhanga zizajya zijya mu masantere yo mu biturage, ku minsi bamenyeshejwe, abakeneye gushaka akazi bakerekerwa uko babyitwaramo.

Umva inkuru irambuye hano: