Hagiye gushyirwaho ingo mbonezamikurire 5000 zizafasha abana gukura neza

Umuryango Imbuto Foundation ufatanyije n’Ikigo cy’igihugu gishinzwe guteza imbere ibikorwa by’iterambere mu nzego z’ibanze (LODA), ugiye gutangiza umushinga w’ibigo mbonezamikurire ibihumbi bitanu bizafasha abana bato gukura neza.

Ni umushinga watangijwe ku mugaragaro ku wa kane tariki 30 Mutarama 2020, ukaba urimo kandi na gahunda y’igihugu y’ingo mbonezamikurire (ECD) ndetse na VUP kuko ababyeyi bazita ku bana bazafatwa nk’abakora muri VUP bakazanahembwa.

Umuyobozi mukuru wa Imbuto Foundation, Sandrine Umutoni, avuga ko hazahugurwa abafashamyumvire muri icyo gikorwa ibihumbi 65, abana bakazajya bahurizwa mu nsengero, mu biro by’utugari, mu nzu za bamwe mu babyeyi bazemera kuzitanga.

Uyu mushinga wahereye mu turere dutatu mu mwaka wa 2018, bikaba biteganyijwe ko muri uyu mwaka uzakorera mu mirenge 150 na ho umwaka utaha ukazaba uri mu mirenge 300 izatoranywa mu turere twose.

Bikaba biteganyijwe ko uwo mushinga uzatwara miliyoni 109 z’Amadolari ya Amerika.

Umva inkuru irambuye hano:

Written by: KT Radio Team

Rate it

CHOGM izasanga imijyi y’u Rwanda itatse Kinyarwanda

Minisitiri w’Ibikorwaremezo, Amb Claver Gatete avuga ko Umujyi wa Kigali n’indi itandatu iwunganira izaba isukuye kandi itatse Kinyarwanda mbere y’uko Inama y’Abakuru b’ibihugu bikoresha Icyongereza (CHOGM) iteranira mu Rwanda mu kwezi kwa Kamena 2020. Amb. Gatete avuga ko imihanda n’ahagaragarira amaso hose muri Kigali no mu yindi mijyi nka Muhanga, Huye, Rusizi, Rubavu, Musanze na Nyagatare, ngo hagomba kuba hubatswe mu buryo buteye kimwe. Avuga ko amasangano y’imihanda yo ku […]

January 31, 2020 36