Perezida Kagame yashinze Inteko nyafurika ibyo kwihutisha amasezerano y’ubuhahirane

Yanditswe na KT Radio Team October 22, 2018 - 17:53

Perezida Paul Kagame yasabye abagize inteko ishinga amategeko nyafurika kwihutisha ibyo kwemeza amasezerano akuraho imbogamizi mu bucuruzi n’ubwisanzure mu ngendo muri Afurika.

Byari mu nama y’Abagize inteko nyafurika ishinga amategeko yateraniye i Kigali, kuri uyu wa Mbere tariki 22 Ukwakira 2018,

Kuva u Rwanda rwakwakira inama ya Afurika yunze Ubumwe (AU) muri Werurwe 2018, yemerejwemo amasezerano yo gukuraho imbogamizi zikigaragara mu bucuruzi ndetse no gukuraho inzitizi mu rujya n’uruza rw’abantu muri Afurika, ibihugu byinshi byarayasinye ariko ntibyihutiye kuyemeza ngo ahite ashyirwa mu bikorwa.
Perezida Kagame yifashishije inama y’Abagize inteko nyafurika ishinga amategeko kugira ngo abibutse ko bafite inshingano zabo mu gusaba ibihugu kwihutisha gusinya ayo masezerano.

Wakumva Perezida Kagame hano:

Inama y’Abagize inteko nyafurika ishinga amategeko yatangiye kuri uyu wa mbere, ikaba izasoza imirimo yayo tariki 3 ugushyingo.
Inteko nyafurika ishinga amategeko ikaba ifite abadepite bagera kuri 275, bahagarariye ibihugu byose byo ku mugabane w’africa.