President Kagame yagizwe Umuturage w’Icyubahiro w’Umujyi wa Abidjan

Yanditswe na KT Radio Team December 20, 2018 - 13:54

Guverineri w’umujyi wa Abidjan muri Cote d’Ivoire, kuri uyu wa kane yashyikirije imfunguzo z’ibiro bye President Paul Kagame, nk’ikimenyetso cy’icyubahiro amuhaye nk’umukuru w’igihugu uri mu ruzinduko rw’akazi, ndetse anahabwa kuba umuturage w’icyubahiro wa Abidjan.
President Paul Kagame na Jeannette Kagame bari muri Cote d’Ivoire kuva ejo ku wa gatatu, mu ruzinduko rwo gushimangira umubano hagati y’ibihugu byombi haba muri politike no mu buhahirane.
President Kagame yakira imfunguzo z’ibiro by’umujyi wa Abidjan, yavuze ko anenejejwe cyane no guhabwa kwitwa umuturage w’icyubahiro w’uwo mujyi.
Mu butumwa bugaragara kuri twitter y’ibiro bya President Kagame, yanditse ko we by’umwihariko, uwo basahakanye n’abaturage b’u Rwanda anenezezwa no gukorera, bashimishijwe cyane n’icyubahiro bagaragarijwe muri Cote d’Ivoire.