Inkotanyi zahuye n’ikigeragezo gikomeye mu guhagarika Jenoside – Gen Kabarebe

Yanditswe na KT Radio Team April 11, 2019 - 12:48

General James Kabarebe aremeza ko kurwana urugamba rwo kubohora igihugu no guhagarika Jenoside byari akazi katoroshye ku basirikare ba RPA; kuko hari abari bafite bene wabo bicwaga bigoye kubatabara no gukomeza urugamba.
Gen. Kabarebe asanga cyari ikigeragezo gikomeye kuko byashoboraga gutera bamwe kwihorera.
James Kabarebe yabivugiye mu kiganiro yagejeje ku bakozi b’ibigo bikora ubucuruzi bw’ingendo zo mu kirere, ubwo bibukaga ku nshuro ya 25 Jenoside yakorewe Abatutsi.
Ibyo bigo ni Rwanda Civil Aviation Authority, Rwanda Airports Company, Akagera Aviation na Rwandair.