Musanze: Polisi irimo gushakisha uwitwa Ndahayo ukekwaho kwica umugore we

Yanditswe na KT Radio Team May 21, 2019 - 19:37

Polisi y’u Rwanda mu ntara y’Amajyaruguru irimo gushakisha Umugabo witwa Ndahayo Jean de Dieu w’imyaka 45 y’amavuko ukekwaho kwica umugore we Ntakirutimana Eustachie bari bamaranye imyaka icumi.
Nyakwigendera yari Umuyobozi w’Ishuri rya Group Scolaire Kabere riri mu murenge wa Muko mu karere ka Musanze.
Amakuru y’urupfu rwa nyakwigendera yamenyekanye mu ijoro ryakeye, nyuma yo kumusanga mu rugo yashizemo umwuka.
Mu kiganiro umunyamakuru wacu muri kigalitoday Ishimwe Rugira Gisele ukorera I musanze yagiranye na CIP Rugigana Alexis, umuvugizi wa Polisi y’u Rwanda mu ntara y’Amajyaruguru yemeje iyi nkuru, aboneraho no kwibutsa abantu kujya batanga amakuru y’abafitanye amakimbirane hakiri kare kugira ngo hirindwe ingaruka zirimo no kwicana .

Umva icyo kiganiro hano: