Gusoma no kwandika bikwiye kuba umuco w’abanyarwanda – Minisitiri Nyirasafari

Yanditswe na KT Radio Team September 9, 2019 - 11:51

Minisitiri w’Umuco na Siporo, Nyirasafari Espérance, aravuga ko gusoma no kwandika bikwiye kongerwa mu mico iranga Abanyarwanda kugira ngo ubumenyi bugere kuri bose.

Yabivuze ejo ku cyumweru, ubwo hizihizwaga umunsi mpuzamahanga wahariwe gusoma no kwandika.

Mu kwizihiza uyu munsi hahembwe kandi abana 30, ni ukuvuga umwe muri buri karere, bahize abandi mu kwandika inkuru mu Kinyarwanda, akaba ari amarushanwa yari arimo abana bo mu mashuri abanza n’abo mu yisumbuye.

Aba bana bahembwe ibikoresho bitandukanaye by’ishuri, tablet ndetse na seretifika.

Ibikorwa byo gufasha abana kumenya gusoma Ikinyarwanda, cyane cyane abo mu mashuri abanza kuva mu mwaka wa mbere kugera mu wa gatatu, bikurikiranwa n’umushinga ‘Mureke Dusome’, naho uwitwa ‘Soma Umenye’ ugahugura abarimu bigisha abo bana, bigaterwa inkunga n’Umuryango w’Abanyamerika wita ku iterambere mpuzamahanga (USAID).

Umva inkuru irambuye hano: