U Rwanda ruri hafi kwakira impunzi zifashwe nabi mur Libya

Yanditswe na KT Radio Team September 10, 2019 - 17:56

Leta y’u Rwanda yashyize umukono ku masezerano yo kwakira impunzi z’abanyafurika maganatanu bari muri Libya.

Amasezerano yashyizweho umukono kuri uyu wa kabiri tariki 10 Nzeri 2019, hagati ya Minisitiri ushinzwe ibikorwa by’ubutabazi Kamayirese Germaine na Ahmed Baba Fall, umuvugizi w’ishami ry’umuryango w’abibumbye ryita ku mpunzi mu Rwanda UNHCR.

Aba bayobozi bombi mu kiganiro n’itangazamakuru, basobanuye ko izo mpunzi zizatuzwa mu karere ka Bugesera mu nkambi y’agateganyo ya Gashora.