Mu kwezi kw’Ukwakira haratangwa ibitabo miliyoni imwe mu mashuri abanza -MINEDUC

Yanditswe na KT Radio Team October 1, 2019 - 09:03

Umuyobozi mukuru muri minisiteri y’uburezi ushinzwe igenamigambi na Politiki y’uburezi Rose Baguma, aravuga ko iyo umwana adatojwe gusoma hakiri kare adashobora kubikora ageze mu mashuri makuru.

Yabitangaje kuri uyu wa 30 Nzeri ubwo hasozwaga ukwezi kwo gusoma no kwandika mu karere ka Nyagatare mu murenge wa Karangazi.

Rose Baguma avuga ko ubu abanyarwanda 73% aribo bazi gusoma no kwandika, akemeza ko kugira ngo uyu mubare ugere ku ijana ku ijana ari uko gusoma no kwandika bigomba guhera mu bana bato kuko bibagirira akamaro igihe basoza amashuri amakuru.

Kuri ubu hakaba hari gahunda ko mu kwezi kwa cumi hagiye gutangwa ibitabo birenga miliyoni bigenewe abana kuva mu mwaka wa mbere kugera mu wa 3 w’amashuri abanza ku buryo buri mwana agomba gutunga icye.

Umva inkuru irambuye hano: