Ntiharaboneka abashoramari bo guhindura 1930 inzu ndangamurage

Yanditswe na KT Radio Team October 9, 2019 - 18:31

Umujyi wa Kigali uratangaza ko ukirimo gushakisha abashoramari bazatunganya icyahoze ari gereza nkuru y’igihugu izwi nka 1930, igahindurwamo inzu ndangamurage.

Ibi biravugwa mu gihe umujyi wa Kigali wari watangaje ko bitarenze muri Kamena 2017 ahahoze gereza nkuru ya Kigali hagombaga kuba harahinduwe inzu ndangamurage.

Ku ruhande rw’umuyobozi mukuru w’ikigo k’ingoro z’umurage w’U Rwanda Ambasaderi Robert Masozera, we yatangaje ko gereza ya 1930 igomba kubungwabungwa nkuko biteganywa n’itegeko kuko ari umurage ukomeye.

Yakomeje avuga ko nk’abasnhinzwe ingoro z’umurage bari bagejeje ikifuzo kubabishinjwe ko gereza ya 1930 yajya ku rutonde rw’ahandi hantu hagera ku ijana hagomba kubungwabungwa nk’ahantu habitse amateka akomeye y’U Rwanda.

1930 yubatswe n’ababirigi mu myaka y’1930, akaba ariyo nyubako twakwita iyakizungu yubatswe bwa mbere mu Rwanda n’ababirigi.

Umva inkuru irambuye hano: