Kigali: Perezida Kagame yatashye icyambu kidakora ku nyanja

Yanditswe na KT Radio Team October 21, 2019 - 16:20

Perezida Paul Kagame arahamagarira abashoramari bo mu karere n’ahandi kubyaza umusaruro icyambu kidakora ku Nyanja (inland port) cyubatse mu mugi wa Kigali.

Ibi perezida Kagame yabivuze kuri uyu wa mbere ubwo yatahaga ku mugaragaro icyi cyambu cyahawe izina rya Kigali Logistics Platform .

Perezida Kagame yavuze ko itahwa rya kino cyambu ari bumwe mu buryo u Rwanda rurimo kugira uruhare mu ishyirwa mu bikorwa ry’isoko rusange ry’umugabane wa Africa rigomba gutangira mu kwezi kwa karindwi umwaka utaha wa 2020. Iri soko rikaba ryitezweho guhuza abanyafrica bagera kuri miliyari imwe na miliyoni 200.

Perezida Kagame yashimiye kandi ikigo Dubai Ports World cyubatse kino cyambu, avuga ko mu gihe cy’igeragezwa ryacyo cyari cyatangiye gutanga umusaruro mwiza, ndetse cyatangiye no guhindura imibereho y’abaturiye Masaka, aho cyubatse.

Icyambu cyatashywe uyu munsi cyitezweho kugabanya igiciro ndetse n’igihe byatwaraga kugira ngo ibicuruzwa bive mu byambu bya Mombsa muri Kenya na Dar es Salam muri Tanzania.

Umva inkuru irambuye hano: