Umusaza bivugwa ko yapfuye arenze umurongo waciwe n’umupfumu yashyinguwe

Yanditswe na KT Radio Team November 7, 2019 - 13:21

Umugabo wo mu kagari ka Songa ko mu murenge wa Muko mu karere ka Musanze wapfuye urupfu rw’amarabira ku wa kabiri nyuma yo kurenga ku ntego yarahawe n’umupfumu yaraye ashyinguwe.

Uwo musaza witwa Nkorera Yohani yapfuye mu gitondo cyo ku wa kabiri tariki 5 Ugushyingo 2019. Biravugwa ko ubwo yavaga ku kazi ageze muri centre ya Kanombe mu murenge wa Muko, yahuye n’umupfumu wigeze kumutuburira amuha umuti wo gufata umujura wamwibye ariko ntiwamugirira akamaro.

Nyakwigendera ahuye n’uwo mupfumu, ngo yamubwiye ko umuti yamuhaye utakoze barashwana, umupfumu aca umurongo mu muhanda abwira Nkorera ko nawurenga ahita apfa.

Umusaza Nkorera yagize ngo ni iterabwoba, arenga wa Murongo ahita agwa hasi arapfa, RIB ihita itangira iperereza.

Umva inkuru irambuye hano: