Abanyarwanda barakangurirwa kutajya ahari ‘Novel Coronavirus’

Yanditswe na KT Radio Team January 24, 2020 - 08:57

Minisiteri y’Ubuzima (MINISANTE) yasabye Abanyarwanda bakora ingendo zijya mu Bushinwa kwirinda kujya mu mujyi wa Wuhan, kubera indwara yahateye, yandura kandi ikica vuba yitwa Novel Coronavirus.

Mu kiganiro n’abanyamakuru ejo ku wa kane Minisitiri w’Ubuzima, Dr Diane Gashumba yasabye Abanyarwanda kwirinda kujya ahari iyo ndwara kugira ngo batayikwirakwiza ikaba yanagera mu Rwanda.

Ariko nanone yanahumurije Abanyarwanda ababwira ko bitabujijwe kujya mu Bushinwa, kuko aho iyo ndwara iri harimo gukurikiranwa byihariye.

Iyo ndwara yo mu bwoko bw’ibicurane, yagaragaye mu Bushinwa mu Kuboza umwaka ushize, ikarangwa no kugira ibicurane, inkorora, gucika intege no kugira umuriro mwinshi, uyanduye igatangira kugaragara hagati y’ibyumweru bibiri na bitatu.

Kugeza ubu ngo nta buryo bwo kuvura iyo ndwara bwihariye Buhari.

Umva inkuru irambuye hano: