Minisitiri w’Ubutegetsi bw’igihugu Prof. Anastase Shyaka arasaba Abanyarwanda kudahangayikishwa n’uko ibyo kurya bishobora kubura, kubera icyorezo cya COVID 19.

Nyuma yo kubona itangazo ry’amabwiriza ya Minisitiri w’Intebe arimo no gufunga amasoko n’amaduka, abantu benshi bagiye guhaha bakeka ko ahacururizwa ibyo kurya hazafungwa. Hari abakomeje kugira izo mpungenge bavuga ko bimwe mu byangombwa nkenerwa birimo n’ibiribwa bikomeje guhenda, ariko Minisitiri Shyaka avuga ko nta we ukwiye kugira impungenge ku biribwa kuko bihari.

Miniisitiri Shyaka avuga ko ibijyanye n’ubuhinzi n’ibyo Abanyarwanda bafungura bitahagaritswe gucuruzwa, ahubwo ko habayeho abitwa ba rusahurira mu nduru banze kugurisha ibyo kurya bashaka kuzamura ibiciro, hakaba n’abagiye bahaha ibyo kurya by’igihe kirekire bigateza ibibazo ku isoko birimo no kuzamura ibiciro kuko ibintu bikenewe na benshi mu gihe gito.

Umva inkuru irambuye hano: