Inkuru Nyamukuru

MINISANTE yakiriye “robots” zizifashishwa mu guhangana na Covid-19

todayMay 19, 2020

Background
share close

Kuri uyu wa kabiri, minisiteri y’ubuzima yakiriye amarobot atanu yagenewe guhangana n’indwara z’ibyorezo, by’umwihariko icyorezo cya Covid-19.

Izi robots zahawe amazina y’ikinyarwanda; ari yo: Akazuba, Ikirezi, Mwiza, Ngabo, na Urumuri; zikazifashishwa cyane mu gupima ubushyuhe bw’umubiri, kugenzura uko ubuzima bw’umurwayi bwifashe, ndetse no kubika amakuru yose yerekeranye n’ubuzima bw’umurwayi.

Indi mirimo izi robots zishobora gukora harimo kugemurira abarwayi ibiribwa n’imiti mu byumba barwariyemo, kumenyesha abaganga ibibazo runaka bishobora kuvuka; zikaba zifite ubushobozi bwo gupima abarwayi bari hagati ya 50 n’150 ku munota.

Minisitiri w’ubuzima Dr. Daniel Ngamije yavuze ko izi robots zizihutisha imitangire ya serivisi, kandi zitume abaganga badahura n’ibyagira ingaruka ku buzima bwabo. Yakomeje avuga ko kuba inzego zitandukanye ziri gushyira hamwe kugira ngo zishake ibisubizo byo guhangana na Covid-19, ari ibyo kwishimira. Ikaba ari indi ntambwe u Rwanda ruteye mu gukoresha ikoranabuhanga mu rwego rw’ubuzima.

Izi robot zikaba zaratanzwe na minisiteri y’ikoranabuhanga na inovasiyo ku bufatanye n’ishami ry’umuryango w’abibumbye ryita ku iterambere (UNDP).

Written by: KT Radio Team

Rate it

Previous post

Inkuru Nyamukuru

Mukunguri: Abahinzi b’umuceri bahombye 70% by’umusaruro kubera ibiza

Abahinzib’umuceri bo mu gishanga cya Mukunguri gihuriweho n’uturere twa Kamonyi na Ruhango, bavuga ko bahombye 70% by’umusaruro bari biteze kuko biteguraga gusarura. Abo bahinzi bibumbiye muri koperative COPRORIZ ihinga umuceri kuva kera, bemeza ko imvura yaguye mu mpera za Mata uyu mwaka yabahombeje, kuko hari igice kinini cy’icyo gishanga cyarengewe n’umucanga,umuceri wose uburiramo ku buryo no kongera kuhahinga bigoye. Ibyo bibazo kandi ngo bizagira ingaruka zikomeye ku ruganda rutunganya umuceri […]

todayMay 19, 2020 1

Post comments (0)

Leave a reply

Your email address will not be published. Required fields are marked *

0%