Nigeria: Imbuga nkoranyambaga zabaye ubwatsi bw’abajura bakoresha uburiganya

Yanditswe na KT Radio Team July 8, 2020 - 15:03

Imbuga nkoranyambaga zikomeje kuba ubwatsi bw’abajura bibisha uburiganya bifashishije ikoranabuhanga.
Ibi ni ibitangazwa mu gihe abanyanigeriya babiri bakurikiranyweho ubujura bwifashishije ikoranabuhanga biciye ku rubuga rwa Instagram.

Umyanigeriya w’imyaka 29 Olalekan Jacod wiyise Mr. Wood Berry kuri Instagram nyuma y’umunsi umwe gusa yizihije isabukuru y’amavuko yagaragaje imodoka ihenze cyane yo mu bwoko bwa Lamborghini I Dubai maze yandikaho ko ngo ntawarukwiye kwicira urubanza kubera umutungo yavunikiye.

Polisi ya Dubai ikaba ikekako ubutunzi uwo musore afite yabwigiwjeho kubera kuriganya abakoresha imbuga nkoranyambaga.

Naho mugenzi we Ramon Olorunwa Abbas w’imyaka 37, uzwi hushpuppi kuri Instagram ukurikirwa n’abantu miliyoni 2,4 nawe bivugwa ko yibisha uburiganya aho bombi basanganywe akayabo k’amamiriyoni z’amadolari y’amerika.

Police ya Dubai ivuga ko yafatanye aba bombi miliyoni $40 za cash, imodoka 13 z’agaciro ka miliyoni $6.8, mudasobwa 21, telefone 47 zigezweho, na aderesi z’abantu hafi miliyoni ebyiri bavuganye nabo.

Abbas na Ponle bombi bahise boherezwa muri Amerika aho baregwa mu rukiko rw’i Chicago ibyaha by’iyezandonke n’ubujura bwa miliyoni amagana z’amadorari baciye mu bushukanyi kuri internet.

BBC iravuga ko bombi batarahabwa umwanya wo kuvuga ku byo baregwa, kugeza ubu baracyafatwa nk’abere.