Kenya: Abantu 1062 bakize coronavirus mu munsi umwe

Yanditswe na KT Radio Team August 10, 2020 - 10:51

Minisiteri y’Ubuzima muri Kenya yatangaje ko abantu 1.062 bakize Coronavirus mu munsi umwe, mu gihe babiri ari bo bahitanywe n’iki cyorezo mu masaha 24 ashize.

Uyu mubare w’abakize bagasezererwa mu bitaro, ni wo munini ubayeho mu munsi umwe muri Kenya.

Mu mibare yatangajwe kuri iki Cyumweru, abantu 599 bashya basanzwemo iki cyorezo, bituma abamaze kwandura muri rusange baba 26,436.

Ubwandu bushya bwemejwe uyu munsi bwabonetse mu bipimo 4420 byafashwe. Mu banduye bagaragaye harimo Abanyakenya 593 n’abanyamahanga batandatu.

Nyuma y’abantu babiri byemejwe ko bishwe na COVID-19, umubare w’abamaze kwicwa n’iki cyorezo wahise ugera kuri 420.