Igisirikare cya Israheli kuri uyu wa kane, cyatangaje ko cyaburijemo misile iraswa kure yari irashwe n’inyeshyamba z’aba Houthi bo muri Yemen igana mu majyepfo y’igihugu.
Iyi misile yasandajwe n’indege y’igisirikare cya Israheli ubwo yari irashwe mu gace ka Eilat gaherereye mu majyepfo y’inkengero z’ikiyaga gitukura. Igisirikare cya Israheli cyatangaje ko iyo misile itashoboye kugera ku butaka bwa Israheli.
Aba Houthi barwanya ubutegetsi muri Yemen, bashyigikiwe na Irani na mbere yo kugaba icyo gitero cya misile mu gace ka Eilat. Batangaje ko bari mu ihuriro rirwanya Israheli rishyigikiwe na Irani. Umuyobozi mukuru w’izi nyeshyamba yavuze ko bazakomeza kugaba ibitero kuri Israheli.
Ku cyumweru, aba ba Houthi batangaje ko bafashe ubwato butwara imizigo mu kiyaga gitukura, mu rwego rwo kwihimura ku bitero Israheli irimo kugaba ku mutwe wa Hamas mu Ntara ya Gaza.
Imitwe yitwaje intwaro ibarizwa mu burazirazuba bw’Isi ishyigikiwe na Iran yifatanyije na Hamas mu ntambara urimo na Israheli. Ni intambara yakurikiye ibitero umutwe wa Hamas wagabye kuri Israheli u ntangiriro z’ukwezi gushize, aho Israheli yahise itangira kgaba ibitero kuri uyu mutwe ikoresheje ibitero by’indege ndetse no kubutaka.
Kugeza ubu ibyo bitero bimaze kwangiza ibintu byinshi m ntara ya Gaza ndetse bimaze guhitana abantu barenga ibihumbi 14, nk’uko bitangazwa na leta iyobowe na Hamas.
Ni bimwe mu byo basabwe mu gitondo cyo ku wa Gatatu tariki ya 22 Ugushyingo, ku cyicaro gikuru cya Polisi ku Kacyiru ahabereye ibiganiro byahuje Polisi y’u Rwanda, abayobozi n’abakozi b’ibigo n’amakoperative byigenga bikora akazi ko gucunga umutekano. Ni ibiganiro byari biyobowe na Komiseri w'Ishami rya Polisi rishinzwe umutekano w'ibikorwa remezo n'ibigo byigenga bicunga umutekano, Commissioner of Police (CP) John Bosco Kabera, byagarutse ku mikorere y’ibi bigo mu bice […]
Post comments (0)