Isoko ry’ibirayi mu Kinigi ryimuriwe ku makusanyirizo

Ubuyobozi bw’Umurenge wa Kinigi mu karere ka Musanze buratangaza ko kuva muri iki cyumweru bwabaye bufashe icyemezo cyo guhagarika gucururiza ibirayi mu isoko rya Kinigi, ababikeneye basabwa kubigurira ku makusanyirizo ari mu tugari n’imidugudu.

Ubuyobozi bukaba bwafashe iki cyemezo mu rwego rwo kwirinda umubyigano w’abantu baturutse ahantu hatandukanye barimo n’abinjiraga mu gihugu mu buryo butemewe, baza kubigurira muri iri soko. Ibi bikaba byarateye impungenge z’uko bishobora kuvamo ingaruka zo gukwirakwiza icyorezo cya Covid-19 cyugarije isi.

Umunyamabanga nshingwabikorwa w’uyu murenge asaba abaturage kutagira impungenge z’aho bakura ibirayi, kuko hashyizweho uburyo bwo gukorana n’ayo makusanyirizo.

Hegitari zirenga 1700 muri uyu murenge wa Kinigi nizo zari zahinzweho ibirayi hasarurwa toni zikabakaba ibihumbi 38 mugihe gishize cy’ihinga.

Umva inkuru irambuye hano:

Written by: KT Radio Team

Rate it

Musanze: Ikibazo cy’amazi cyatumaga abaturage bava mu ngo cyatangiye gukemuka

Ikibazo cy’abaturage bo mu mujyi wa Musanze bari bamaze iminsi badafite amazi mu ngo cyatangiye kubonerwa umuti. Abo baturage bari bakupiwe amazi bitewe n’ikorwa ry’imihanda, abaturage bakaba bagaragazaga impungenge ko bahurira ku tuzu tw’amazi rusange ari benshi bakagaragaza impungenge z'uko bashobora kuhandurira Coronavirus ihangayikishije urwanda n'isi muriyi minsi . Kuva ejo ku wagatatu ibikorwa byo kugarura amazi mu duce bari barayabuze byaratangiye.

March 27, 2020 21