Abantu batandatu batawe muri yombi bazira kwiba umuriro w’amashanyarazi

Yanditswe na KT Radio Team September 20, 2019 - 17:01

Ubuyobozi bw’ikigo gishinzwe amashanyarazi mu Karere ka Huye burasaba abiba umuriro w’amashanyarazi kubireka kuko bihombya igihugu na ba nyir’ubwite iyo bafashwe.

Ibi bubivuga nyuma yo gufata bamwe mu bayiba batuye muri Karitsiye bakunze kwita Yapani yo mu Mudugudu wa Taba, Akagari ka Cyarwa, umurenge wa Tumba.

Umugabo ukora umurimo wo gusudira witwa Felicien Nzamurambaho, ni we wabanje gufatwa, kandi biza kugaragara ko hari n’abandi yagiye afasha gukoresha amashanyarazi batariha.

Undi witwa Joseph Niyonzima we basanze kuva yahabwa amashanyarazi mu Nyakanga 2017 yaraguze umuriro inshuro imwe gusa.

Umuyobozi wa REG mu Karere ka Huye, Jean Pierre Maniraguha, avuga ko bari basanzwe bakeka ko muri aka gace biba amashanyarazi, ko icyo baburaga ari gihamya.

Avuga ko kwiba amashanyarazi bihombya REG ho 19% mu Rwanda hose, kuko ngo niba buri kwezi REG icuruza umuriro wa miriyari 11, hari miriyari 2 na miriyoni 90 ihomba kubera abiba amashanyarazi.

Umva inkuru irambuye hano: