Leta yakoze umunsi mukuru igeze ku muturage wa miliyoni wahawe amashanyarazi

Yanditswe na KT Radio Team January 24, 2020 - 10:58

Minisiteri y’Ibikorwaremezo (MININFRA) yagaragaje uwitwa Agnes Mukankuranga ko ari we muturage wabaye uwa miliyoni imwe mu bamaze guhabwa umuriro w’amashanyarazi, mu rugendo Leta ifite rwo kuzaba yahaye abaturarwanda bose amashanyarazi muri 2024.

Mukankuranga warokotse Jenoside yakorewe Abatutsi mu 1994, akaba yibana wenyine mu nzu iri mu cyaro cy’i Mwulire mu karere ka Rwamagana, avuga ko amashanyarazi yatumye ubuzima bwe butangira kworoha.

Ejo ku wa kane Minisiteri y’ibikorwaremezo MININFRA hamwe n’Ikigo gishinzwe ingufu REG, bakaba barakoze ibirori byo kuba bamaze kugeza umuriro w’amashanyarazi ku ngo z’Abanyarwanda zirenga miliyoni imwe. Gahunda ikaba ari uko abaturage bose mu gihugu bagomba kuba bahawe amashanyarazi mu mwaka wa 2024.

Umva inkuru irambuye hano: